Inger-Kristine har motteke støtte frå Komponistforeningen for å fordjupa seg i det vidare arbeidet med Vågespel. Denne stønaden er eit viktig bidrag i utviklinga av det musikalske universet i framsyninga – eit arbeid som omfattar både nye komposisjonar, arrangement og utforsking av lydlege uttrykk som bind historia saman.
Støtta gjer det mogleg å arbeida i djupna med musikken, og sikrar at Vågespel får den kunstnarlege tyngda og kvaliteten som prosjektet krev.
Me er svært takksame for bidraget og ser fram til å utvikla musikken vidare i tida som kjem.