Framsyning

Røyster mellom to land er ei konsertframsyning om kvinnene frå Vestlandet som i perioden 1825–1925 valde – eller av ulike grunnar måtte – leggja ut på den lange reisa til Amerika.

Gjennom song, forteljing og nykomponert musikk vert publikum tekne med frå små vestlandsbygder til Atlanterhavet og vidare til eit nytt kontinent. Framsyninga byggjer på brev, dagbøker, historiske kjelder og folkeminne, og løfter fram livshistorier som sjeldan har fått plass i dei store forteljingane om utvandringa.

Her møter me unge jenter med draumar om eit anna liv, mødre som tek farvel med familien, kvinner som byggjer nye heimar, og menneske som lever med saknet etter det dei forlét. Historiene rommar både mot, kjærleik, humor, sorg og håp – og minner oss om kor tidlause menneskelege erfaringar kan vere.

Musikken er skriven spesielt for framsyninga og bind saman folketonar, nyskrivne komposisjonar og forteljingar til ei heilskapleg scenisk oppleving.

Song, piano og forteljing skaper eit nært møte mellom publikum og dei historiske stemmene.

Røyster mellom to land er ei vidareutvikling av podkasten Vågespel, som vart produsert under det nasjonale utvandrarjubileet i 2025. I konsertframsyninga får forteljingane nytt liv gjennom levande musikk, scenisk nærvær og eit sterkt samspel mellom ord og tonar.

Medverkande

• Reidun Horvei – song og manusutvikling
• Johanne Øvstebø Tvedten – forteljing
• Inger-Kristine Riber – piano, komponist og manusutvikling
• Katherine Jane Hanson – manusutvikling

Komande framsyningar: